बारा- जेठ – महागढीमाई नगरपालिकाको आर्थिक सहयोग र लियो क्लब गञ्जभवानीपुरको आयोजनामा मेयर गोल्डकप फुटबल प्रतियोगिता जेठ १९ गते देखि शुरु हुने भएको छ ।
महागढीमाई नगरपालिका वडा नं ५ बगडमपुर अवस्थित रहेको रंगशालामा मेयर गोल्डकप प्रतियोगिता जेठ १९ देखि २७ गते सम्म नक आउट चरणमा प्रतियोगिता हुने महागढीमाई नगरपालिका वडा -पाँच वडा अध्यक्ष तथा महागढीमाई नगरपालिकाको प्रवक्ता गाजेन्द्र कुमार जयसवालले पत्रकार सम्मेलन गरि जनकारी गराउनु भयो ।
महागढीमाई नगरपालिका वडा नं पाँच लगाएतका अन्य वडाका यूवाहरुलाई खेलमा दक्ष योग्य अनुभव र शारीरिक तन्दुरुस्त र बलियो बनाउनको लागि फुटबल खेललाई प्राथमिकतामा राखिएको छ ।आफ्नो गाउँठाउँको नाम बिश्वब्यापी रुपमा चिनाउनको लागि एक मात्र माध्यम खेल हो आफ्नो गाउँ ठाउँबाट महिला र पुरुष खेलाडी उत्पादन गरेर यस ठाउँयसलाई नाम सहित बिकास गर्न लक्ष्य लिएर अगाडि बढेको जयसवालले बताउनु भयो ।मेयर गोल्डकप फुटबल प्रतियोगिता बारा,पर्सा,रौतहट,सर्लाही,धनुषा,चितवन र मकवानपुर का विभिन्न टिमका खेलाडीहरुको सहभागीता रहनेछ ।खेलको प्रथम दिन चकपुर र हेटौंडाका खेलाडीसंग खेल हुने छ ।प्रतियोगिताको बिजेताले ट्रफी मेडल प्रमाणपत्र सहित नगद रु.१ लाख र उप बिजेताले ट्रफी,मेडल प्रमाणपत्र सहित नगद रु. ५० हजार पाउने अध्यक्ष जयसवालले बताउनु भयो ।
बिश्वब्यापी रुपमा बाराको पहिचानका लागि हरेक पालिकाले विभिन्न खेलका खेलाडी उत्पादन गर्न थाल्यो बिश्वब्यापी रुपामा बाराको छुट्टै पहिचान बन्छ ।
