बारा -साउन – २० – बाराको प्रसौनी गाउँपालिकामा एक दिने सुचनाको हक सम्बन्धि अन्तर क्रिया कार्यक्रम सम्पन्न भएको छ ।
गाउँपालिकाको सभा हलमा राष्ट्रिय सूचना आयोगको आयोजना प्रसौनी गाउँपालिका प्रमुख अध्यक्ष बिनोद प्रसाद जयसवालले अन्तरक्रिया कार्यक्रममा भन्नु भयो लोकतन्त्रमा जनता नै राज्यको शासन व्यवस्थाको सर्वेसर्वा निर्णायक शक्ति हुन जनताले तिरेको कर, राज्यको स्रोत साधनबाट भएको आर्जन र जनताको नाममा आएको सहयोगबाट तलब र सुविधा पाउने जनप्रतिनिधि, कर्मचारी तथा सार्वजनिक निकायहरू सबै जनताप्रति जवाफदेही हुनु पर्दछ ।’तसर्थ सार्वजनिक निकायका निर्णय, कामकारबाही र बजेट आदिको सूचना सञ्चारकर्मी लगायत हरेक जनताले पनि सहज रुपमा पाउनु पर्ने उनले बताए ।सूचना जनताको संवैधानिक अधिकार हो । र यो नै सच्चा लोकतन्त्रको मूल आदर्श पनि हो, सार्वजनिक निकायका पदाधिकारीहरूले जनताको सूचनाको जिम्मा लिने, व्यवस्थित गर्ने र मागेको बेलामा उपलब्ध गराउने पर्ने लोकतन्त्रको संस्कार रहेको गाउँपालिका अध्यक्ष जयसवालले बताउनु भयो
सूचनाको हक सम्बन्धी अन्तरक्रिया कार्यक्रममा उपाध्यक्ष किरण देवी, प्रमुख प्रशासकीय अधिकृत सुमित कुमार सिंह, वडा अध्यक्षहरु कार्यपालिका सदस्य ज्यूहरु लगाएत कर्मचारी मित्रहरु तथा समाजसेवीहरुको कार्यक्रममा उपस्थिति रहेको थियो ।
