बारा-असार -८ – श्री पालन पोषण बचत तथा ऋण सहकारी संस्थामा मनोनीत संचालक समितिको बिषय लिएर लामो समय देखि भएको बिबाद निर्वाचन प्रक्रियाबाट नयाँ संचालक समिति चयन भएपछि बिबाद अन्त्य भएको छ ।
महागढीमाई नगरपालिका वडा नं २ अवस्थित -श्री पालन पोषण बचत तथा ऋण सहकारी संस्थाको आफ्नै निजी भवनमा हिजो असार ७ गते सम्पन्न भएको निर्वाचनमा अध्यक्ष पदमा नन्दकिशोर प्रसाद कुशवहाले आफ्नो प्रतिपक्षी भन्दा २७४ मत बढी ल्याएर अध्यक्ष पदमा निर्वाचित हुनुभएको निर्वाचन अधिकृत सुनिल बिक्रम थापाले जनकारी गराउनु भयो ।
आफ्नो प्रतिपक्षी भन्दा बढी उपाध्यक्षमा जयचन्द्र जयसवालले २६२ मत बढी,सचिव पदमा बृजकिशोर साह लहेराले ३२१ मत बढी कोषाध्यक्षमा रामाजोध्या कुशवहाले २७८ मत बढी ल्याएर निर्वाचित भएको हो त्यस्तै सदस्यमा श्यामकिशोर प्रसाद कुशवहाले २८८ संदिप कुमार गुप्ता ,३२२ महिला, सदस्य बचिया देबी कुशवहा,३०४ मत आफ्नो प्रतिपक्षी भन्दा बढी ल्याएर निर्वाचित भएका छन लेखा समितिको संयोजकमा शिव प्रसाद गुप्ता , ३०६ ,मत बढी प्राप्त गर्नु भएको छ लेखा समितिको सदस्यमा संजय प्रसाद चौरसीयाले,३०६ मत बढी र जितेन्द्र प्रसाद कुशवहाले कुल मत ६२९ मत प्राप्त गर्नु भएको सहायक निर्वाचन अधिकृत राजकुमार कुशवहाले बताउनु भयो ।
श्री पालन पोषण बचत तथा ऋण सहकारी संस्थामा ३१८३ खाता नमावली रहेको थियो भने जसमध्ये ९६२ मत खस्केको थियो ५ वटा मत रद भएको थियो
