बारा -असार – ५ – महागढीमाई नगरपालिकाले आर्थिक बर्ष २०८१/०८२ को लागि निति तथा कार्यक्रममा ७४ करोड भन्दा बढी अनुमानित बजेट प्रस्तुत गरिएको छ ।
आ.व २०८१/०८२ को ८ औं नगर सभामा महागढीमाई नगरपालिकाका नगरप्रमुख उपेन्द्र यादवले रु. ७७ करोड ५४ लाख ९८ हजार ५ सय अनुमानित बजेट प्रस्तुत गरिएको छ ।
संघिय सरकारबाट प्राप्त हुने समानीकरण अनुदान रु. १४ करोड ६२ लाख शसर्त अनुदान चालु रु. २७ करोड ८८ लाख ९९ हजार ५ सय, शसर्त अनुदान पुजीगत रु ११ करोड ५७ लाख २८ हजार विषेश अनुदान रु.२ करोड, सम्पुरक अनुदान रु.१ करोड ५० लाख, राजश्व वाडफाड रु. १२ करोड ३ लाख त्यस्तै प्रदेश सरकारबाट प्राप्त हुने समीकरण अनुदान रु १ करोड ८ लाख ७१ हजार, प्रदेश शसर्त अनुदान रु.९५ लाख, विषेश अनुदान रु.३० लाख, सम्पुरक अनुदान रु.२० लाख, राजश्व बाडफाड बाट रु. ४० लाख, र नगरपालिकाको आन्तरिक श्रोत रु. ५ करोड गरी जम्मा रु. ७७ करोड ५४ लाख ९८ हजार ५ सय मात्रको आय तर्फ अनुमानित बजेट नगरप्रमुखले प्रस्तुत गरिएको छ ।
महागढीमाई नगरपालिकामा शिक्षा स्वास्थ,खेलकुद कृषि सुन्दर्यकरण,रोजगारी लगाएतलाई नगरपालिकाले प्राथमिकतामा राखेर काम गर्ने नगरप्रमुख उपेन्द्र यादवले बताउनु भयो । नगरपालिकाको स्वास्थ्य चौकीहरुलाई स्तरोन्नती गुणस्तर र पहुँच अभिवृद्धि गर्न जनस्वास्थ्य ऐन जारी गरिनेछ |मृगौला विग्रियका विरामीहरुको लागी यसै बर्ष देखी Dialysis सेवा सुचारु गर्नुको साथै X-ray, ECG र Video X-ray सुपथ मुल्यमा गरिने निति लिईने छ ।यस बर्ष महागढीमाई नगरपालिकाका दुईवटा स्वास्थ्य केन्द्रमा निःशुल्क LAB संचालन गर्ने छ ।
यसै बर्षको मन्सिर महिनामा विश्व प्रसिद्ध श्री गढीमाईको मेला लाग्ने भएकोले श्री गढीमाई मन्दिरसंग जोडीएका सडकहरुलाई स्तरोन्नती तथा मर्मत गरिने छ। मन्दिर परिसरलाई धार्मिक, पर्यटकिय स्थलको रुपमा विकासका लागि पुर्वधार निर्माण गर्न गराउन मन्दिर परिसर संग जोडीएका आवश्यक जग्गा अधिग्रहण गर्ने निति लिईने छ र सोका लागि नेपाल सरकारसंग आवश्यक पहल गरिने छ ।नगरका प्रमुख चौकहरुलाई उज्यालो बनाउन हाईमास्टलाईट जडान कार्यक्रमलाई निरन्तरता दिईने नगरप्रमुख उपेन्द्र यादवले कार्यक्रममा जानकारी गराउनु भयो ।
नगरसभा कार्यक्रममा महागढीमाईका उपमेयर तारा देबी कानु, सल्लाहकार भैयाराम यादव,वडा नं १ वडा अध्यक्ष मनोज गुप्ता ,वडा नं २ वडा अध्यक्ष बिश्वनाथ कुशवाहा ,वडा नं ३ वडा अध्यक्ष उपेन्द्र जयसवाल, वडा ४ वडा अध्यक्ष मनोज जयसवाल , वडा ५ वडा अध्यक्ष गाजेन्द्र जयसवाल , वडा नं ६ वडा अध्यक्ष गेनालाल यादव ,वडा नं ७ वडा अध्यक्ष शिवेन्द्र प्रताप सिंह ,वडा नं ८ वडा अध्यक्ष वडा नं ९ वडा अध्यक्ष दिलिप सुकला , वडा नं १० वडा अध्यक्ष चन्दन साह र वडा नं ११ वडा अध्यक्ष अर्बिन्द बन्ठा , वडा सदस्य कार्यपालिका सदस्य ,क्रमचारी मित्र , पत्रकार ,प्रहरी लगाएत अन्य समाजिक ब्यक्तिहरुको उपस्थित रहेको थियो ।कार्यक्रममा स्वागत मन्तव्य प्रमुख प्रशासकीय अधिकृत बिजय कुशवाहा राख्नु भएको थियो भने कार्यक्रमको संचालन रामबिश्वास चौरासीले गरेको थियो ।
