बारा – जेठ -श्रीकान्त गुप्ता- बाराको फेटा गाउँपालिकामा लामखुट्टेको बिगबिगी बढेको भन्दै स्थानीयको गुनासो बढेपछि गाउँपालिका अध्यक्ष रुस्तम अंसारीले लामखुट्टे मार्ने अभियान नै चलाएको छ ।
देशमा अत्यधिक गर्मी र बर्षातको समय आउन थाकेको कारणले फेटा गाउँपालिकाको विभिन्न वडाहरुमा लामखुट्टेको बिगबिगीले स्थानीयको गुनासो बढेपछि गाउँपालिका अध्यक्ष रुस्तम अंसारीले गाउँपालिकाको वडाभरी लामखुट्टे मार्ने औषधि छिर्ने योजनाका साथ अगाडि बढेको बताउनु भयो ।गाउँपालिकाको वडाभरीको टोलटोलमा औषधि छिरेर लामखुट्टे मार्ने योजना रहेकोछ।आज योजनाको पहिलो दिन गाउँपालिका कार्यालयको वरिपरि, प्रतेक शाखाको कोठामा फगिङ मेसिन मार्फत डेङ्गु लामखुट्टे मार्ने किटनाशक औषधि छर्किएको छ ।
लामखुट्टे जुन सुकै बेलामा टोकने गर्छन लामखुट्टेको टोकाइबाट जोग्न जरुरी छ । अन्यथा विभिन्न प्रकारका मलेरिया , डेङ्गु फिभर जापानी ,इन्सेफलाईटिस जिका फिभर ,लिम्भेटिक फिलेरियासिस , चिकनगुनिया रोग लाग्न सक्ने र सो रोगबाट मृत्यु हुनसक्ने अध्यक्ष अंसारीले बताउनु भयो ।विश्व स्वास्थ्य संगठनका अनुसार लामखुट्टे कै टोकाइबाट बिश्वमा प्रत्येक वर्ष दुई लाख देखि ५ लाख भन्दा बढी मान्छेहरुको मृत्यु भइरहेको छ ।त्यस कारण जुन पनि ठाँउमा बस्दा लामखुट्टेको टोकाइबाट बाच्न जरुरी छ । लामखुट्टेबाट बच्नको लागि मच्छरदानी , मच्छर धुप , अन्य साधन प्रयोग गरेर सुत्न सलाह दिनु भयो ।साथै घरको वरिपरि खाल्टा खुल्टीमा पानी जम्न नदिन र घर वरिपरि सरसफाइ ,राख्न सल्लाह सुझाव अपनाउन गाउँबासीलाई आग्रह गर्नु भयो ।
फेटा गाउँपालिकाका प्रमुख प्रशासकीय अधिकृत कमलेश मिश्राका अनुसार स्वास्थ नै सबै भन्दा ठुलो धन हो समाजमा एक अर्काको स्वास्थलाई ख्याल गर्न सबैको दायित्व र धर्म हो ।
