बारा ।चैत २० । श्रीकान्त गुप्ता । बालेन सरकारको अन्तर्राष्ट्रिय सम्बन्ध बिग्रेकोको कारण अन्य देश भन्दा नेपालमा दैनिक उपयोग हुने पेट्रोल डिजेलको मुल्यमा वृद्धि भएको छ ।
भारतको तुलनामा नेपालमा पेट्रोलियम पदार्थको मूल्य उल्लेख्य रूपमा महँगो रहेको तथ्यले फेरि एकपटक उपभोक्ताको ध्यान तानेको छ। उपलब्ध मूल्यअनुसार भारतमा प्रतिलिटर पेट्रोल १७० रुपैयाँ पर्दा नेपालमा त्यही पेट्रोल २०२ रुपैयाँमा बिक्री भइरहेको छ। यसअनुसार नेपालमा पेट्रोलको मूल्य भारतभन्दा ३२ रुपैयाँ बढी रहेको देखिन्छ।
त्यस्तै, डिजेलको हकमा भारतमा प्रतिलिटर १४७.२० रुपैयाँ मूल्य रहेको अवस्थामा नेपालमा १८२ रुपैयाँमा बिक्री भइरहेको छ। अर्थात्, नेपालमा डिजेलको मूल्य भारतको तुलनामा ३४ रुपैयाँ ८० पैसा बढी छ। दैनिक उपभोग, यातायात, ढुवानी र कृषि क्षेत्रमा प्रत्यक्ष असर पार्ने यी दुई मुख्य इन्धनको मूल्य अन्तरले आम उपभोक्तामाथि थप आर्थिक दबाब सिर्जना गरेको छ।
जनताले महँगी घटाउने, करको बोझ कम गर्ने र सुशासन दिने अपेक्षासहित बालेनको नाममा राष्ट्रिय स्वतन्त्र पार्टीलाई ठूलो जनादेश दिएको छ । तर, सत्तामा पुगेपछि सरकारले जनअपेक्षा अनुसार राहत दिन नसकेको मात्र होइन, उल्टै जनताको ढाड सेक्ने गरी कर र मूल्यवृद्धिको बोझ थपेको आरोप लागेको छ।
स्थानीय उपभोक्ताहरूका अनुसार इन्धनको मूल्यवृद्धिले केवल सवारीसाधन चलाउने खर्च मात्र बढाएको छैन, यसले यातायात भाडा, कृषि उत्पादनको लागत, निर्माण सामग्री ढुवानी, खाद्यान्नको मूल्य, तथा दैनिक उपभोग्य वस्तुहरूको बजार मूल्य समेत बढेको छ । यसको सीधा असर आम नागरिकको भान्सादेखि व्यवसायसम्म परेको देखिन्छ।
बालेन सरकारको जनताको काम गर्नु भन्दा प्रतिशोधमा लागेको ब्यवसायीहरुले बताएका छन । पछिलो समयमा अन्तरास्ट्रिय स्तरमा यूद्ध भएको थियो तर यति रफतार वृद्धि भएको थिएन शोशिला कार्कीको सरकारमा यूद्ध शुरु भएको समयमा मूल्य वृद्धि भएन नयाँ बालेन सरकारले आफ्नो पालामा मूल्य वृद्धि गर्नु भएको आम जनताको गुणासो छ ।
