बारा – मंसिर १० – फेटा गाउँपालिका कार्यालयमा प्रमुख प्रशासकीय अधिकृत राकेश ओझा हाजिर भएसँगै गाउँपालिकाको कामकाजमा नयाँ गति आएको छ। कार्यालयभित्र काम गर्ने तरिका चुस्त र तन्दुरुस्त बनेको छ भने सेवाग्राहीलाई छिटो र सहज रूपमा सेवा उपलब्ध गराउने व्यवस्था पनि लागू गरिएको छ।
कार्यालयको आन्तरिक व्यवस्थापन, कर्मचारीहरूको जिम्मेवारी निर्धारण र सेवाग्राहीसँगको समन्वयलाई प्राथमिकतामा राखेको प्रशासकीय अधिकृत ओझाले बताउनु भएका छन ।हामीले गाउँपालिका कार्यालयलाई चुस्त र छिटो काम गर्ने बनाउने योजनामा काम सुरु गरेका छौं। यसअन्तर्गत सेवा लिने नागरिकहरूले लामो समय कुर्न नपरोस् भन्ने सुनिश्चित गरेका छौं,” उनले भने।
उनको सक्रियताले कार्यालयभित्र कार्यप्रवाहमा स्पष्ट सुधार आएको छ। कर्मचारीहरू अब निश्चित समयावधिमा काम पूरा गर्न बाध्य भएका छन् र सेवाग्राहीको समस्या तत्काल सुन्ने र समाधान गर्ने व्यवस्था गरिएको छ। यसले गाउँपालिकाको विश्वासनीयता पनि बढाएको छ।
गाउँपालिका अध्यक्ष रुस्तम अंसारीले पनि कामकाज चुस्त बनाउन आफ्नो पहल रहेको बताएका छन्। अध्यक्ष अंसारीले भने, प्रशासकीय अधिकृत “राकेश ओझा सक्रियताले कार्यालयको कामकाजमा गति ल्याएको छ। हामी सेवाग्राहीको आवश्यकतालाई प्राथमिकता दिँदै सबै कार्यलाई छिटो र पारदर्शी बनाउने दिशामा काम गरिरहेका छौं।”
उहाँका अनुसार, गाउँपालिका कार्यालयले विकास कार्यक्रम, योजना कार्यान्वयन, कृषि, शिक्षा, स्वास्थ्य र पूर्वाधारसम्बन्धी सेवा वितरणमा पनि नयाँ ढाँचा अपनाएको छ। यसले गाउँपालिका भित्रको प्रशासनिक कामकाजलाई व्यवस्थित मात्र बनाएको छैन, नागरिकको पहुँचमा रहेका सेवा प्रणालीलाई पनि सरल र प्रभावकारी बनाएको छ।
अध्यक्ष अंसारीले भने, “हाम्रो लक्ष्य फेटा गाउँपालिका नागरिकमैत्री बनाउन हो। सेवाग्राहीले तुरुन्तै आवश्यक सेवा पाउनुपर्छ र कार्यालयको कामकाज पारदर्शी र जवाफदेही हुनु आवश्यक छ। प्रमुख प्रशासकीय अधिकृत ओझासँग मिलेर हामीले यी उद्देश्यहरू प्राप्त गर्न निरन्तर काम गरिरहेका छौं।”
कार्यालयमा आएका सेवाग्राहीहरूले पनि सुधारको अनुभव गरेका छन्। धेरैले भने कि पहिलाको जस्तो समय खेर जाने वा कागजपत्रको जटिल प्रक्रिया अब कम भएको छ। यसरी कामकाज चुस्त र छिटो बनाएकोमा प्रशासकीय अधिकृत र अध्यक्ष दुवैको सराहना गरिएको छ।
फेटा गाउँपालिकामा प्रशासनिक सुधार र सेवाग्राही केन्द्रित कामकाजको यो प्रयास स्थानीय तहमा उदाहरणीय देखिएको छ। यसले अन्य गाउँपालिका र नगरपालिकाहरूका लागि पनि प्रेरणा बन्न सक्ने अधिकारीहरूले बताएका छन्।
