बारा माघ १२ । नेपाल विद्यार्थी संघ (नेबिसंघ) जिल्ला अध्यक्ष प्रबिण पटेलको नेतृत्वमा पचरौता नगरपालिकाका कुडवा र पिपरपाती क्षेत्रमा सदस्यता वितरण कार्यक्रम सम्पन्न भएको छ। कार्यक्रममा सयौं युवाहरुले उत्साहका साथ नेबिसंघको सदस्यता लिएका छन्।
सदस्यता वितरण कार्यक्रमले युवाहरुलाई राजनीतिक र सामाजिक जागरणमा सक्रिय बनाउने उद्देश्य लिएको थियो। नेबिसंघले विभिन्न क्षेत्रका युवाहरुलाई संगठनसँग जोड्दै उनीहरूको क्षमता अभिवृद्धि र नेतृत्व विकासमा ध्यान दिने योजना रहेको कार्यक्रमका प्रमुख अतिथि पटेलले जानकारी दिए।
कार्यक्रममा स्थानीय युवाहरुको उल्लेखनीय उपस्थिति रहेको थियो। युवाहरुले नेबिसंघमा आवद्ध भएर देशको विकास र समाज सुधारमा योगदान दिने प्रतिबद्धता व्यक्त गरेका छन्। कार्यक्रममा उपस्थित युवाहरुले नेबिसंघले भविष्यमा युवामुखी नीति र कार्यक्रम सञ्चालन गर्ने विश्वास व्यक्त गरेका थिए।
नेबिसंघका जिल्ला अध्यक्ष पटेलले संगठनलाई युवा केन्द्रित बनाउन र स्थानीय स्तरमा युवाको समस्या समाधानमा सक्रिय भूमिका खेल्न कार्यक्रमको महत्व रहेको बताए। “युवाहरुको सहभागिता बिना समाजको रूपान्तरण सम्भव छैन। नेबिसंघले युवालाई नेतृत्वमा ल्याउन र उनीहरुको आवाज बुलन्द गर्न सधैं तयार छ,” उनले भने।
कुडवा र पिपरपातीका विभिन्न विद्यालय र क्याम्पसका विद्यार्थीहरु समेत कार्यक्रममा सहभागी भएका थिए। नेबिसंघले यस्ता कार्यक्रमहरु भविष्यमा पनि निरन्तर आयोजना गर्दै युवाहरुलाई राजनीतिक, शैक्षिक र सामाजिक क्षेत्रमा सक्रिय बनाउने प्रतिबद्धता जनाएको छ।
यस सदस्यता वितरण कार्यक्रमले पचरौता नगरपालिकामा नेबिसंघप्रतिको आकर्षण बढाएको र स्थानीय युवाहरुमा सकारात्मक सन्देश प्रवाह गरेको स्थानीय बासिन्दाहरुले बताए।
दिनेश पासवान र नेबिसघ क्षेत्र न २ का सभापति अमन यादव लगायत को उपस्थिति मा सयौ यूवाहरुको उपस्थिति रहेको थियो ।
