रौतहट – जेष्ठ -श्रीकान्त गुप्ता – मौलापुर नगरपालिकाका स्थानीय जनतालाई बुझाउनु पर्ने पानीको बिल र बिजुली खपत बिलको रकम नगरप्रमुख रिना कुमारी साहको विशेष पहलमा मौलापुर नगरपालिकाले बिद्युत प्राधिकरणलाई चेक हस्तान्तरण गरिएको छ ।
मौलापुर नगरपालिकामा जनताले बुझाउनु पर्ने बिद्युत महसुलको तेश्रो किस्ता वापत रू ४५ लाख २६ हजार रकम आज नगरपालिकाका नगरप्रमुख रिना कुमारी साहले बिद्युत प्राधिकरण शाखाका प्रमुख दिनेश साहलाई नगद चेक हस्तान्तरण गर्नुभएको हो ।मौलापुर नगरपालिका नगरप्रमुख साहले जनताका लागि ल्याएको लोकप्रिय कार्यक्रम “फ्री बिजुली, फ्री पानी”बिगत पाँच बर्ष देखि नगरमा कार्यक्रम संचालन हुँदै आएकोछ । झण्डै ५ बर्ष देखी जनताको घरायसी मीटर र कृषि मीटरको सम्पूर्ण रकम नगरपालिकाले तिर्दै आएकोछ । यो चालु आर्थिक वर्षमा मात्रै अहिले सम्म ३ करोड़ ४३ लाख ५० हजार रक़म नगरपालिकाले बिधुत प्राबिधिकरणलाई बुझाइसकेको नगरप्रमुख साहले समाचार अभियानलाई जनकारी दिनु भयो ।
नगरप्रमुख रिना कुमारी साहका अनुसार मौलापुरमा फ्री बिजुली, फ्री पानी” कार्यक्रम मौलापुर नगरपालिका सहित अन्य पालिकामा प्रभावकारी बनेको बताउनु भयो रौतहटमा कुनै पालिकाले नगरेको काम मौलापुर नगरपालिकाले जनताको सुख सुबिधाका लागि काम गरिरहे बताउनु भयो ।मौलापुर क्षेत्र रौतहटको सबै क्षेत्र भन्दा पिछडिएको क्षेत्र रहेको थियो ।तर त्यस क्षेत्रमा प्रतिनिधि सभामा प्रभु साहले निर्वाचित भएपछि त्यो क्षेत्र अहिले शहरीकरण बनेको छ ।क्षेत्रमा कालोपत्र सडक ,बजुली बती ,खानेपानी ,अस्पताल र ठुला सरकारी कार्यालयको स्थापन भएसंगै हजारौं स्थानीय जनताले विभिन्न पसल ब्यवसाय खोलेर रोजगारी पाइसकेको त्यस ठाँउको स्थानीय जनताले बताउनु भयो
जिल्लाको अन्य पालिकाले सडक ढलान नाला निर्माणको नाममा कमिसनको लागि हरेक बर्ष करोडौं रुपैया बजेट खर्च गरेर सरकारको ढुकुटी सखाप पारिरहेको छ ।तर जनतालाई प्रतेक्ष रुपमा सेवा दिन सकिरहेका छैन ।मौलापुर नगरपालिकाको कार्यबाट अन्य पालिकाले सिक्नु पर्ने एक एजेन्डा हो ।
