बारा -जेठ -अञ्जली गुप्ता- बाराको महागढीमाई नगरपालिका र कलैया उपमहानगरपालिकाले टी टुवेन्टी क्रिकेट विश्वकपमा खेलाडीको मनोबल उच्च बढाउनका लागि नेपाली राष्ट्रिय टोलीमा उत्कृष्ट प्रदर्शन गर्ने क्रिकेटरलाई पुरस्कार दिने घोषणा गरिएको छ ।
नेपालको चर्चित कृकेट खेलाडी अनिल साहले टी टुवेन्टी क्रिकेट विश्वकपमा नेपालको तर्फबाट कृकेट खेल्न पाएको साहको मनोबल उच्च बढाउनको लागि महागढीमाई नगरपालिकाका नगरप्रमुखले ५० रनमा पल्सर बाईक र शतकमा बुलेट बाईक सहित सम्मान गर्न घोषणा गर्नुभएको समाचार अभियानलाई जानकारी गराउनु भएकोछ ।
त्यस्तै कलैया उपमहानगरपालिकाका नगरप्रमुख विनोद साहले प्रत्येक रनमा एक हजार प्रत्येक बाउन्ड्री हिटको लागि पाँच हजार ,प्रत्येक छक्काको लागि आठ हजार ,थप अर्धशतक बनाउनको लागि पचीस हजार र शतक प्रहार गरेबापत एकावन हजार दिने घोषणा गरेको बताउनु भयो ।
अनिल साहले अन्तर्राष्ट्रिय क्रिकेट मञ्चमा नेपालको प्रतिनिधित्व गर्ने क्रममा प्रोत्साहन र हौसला प्रदान गर्ने उद्देश्य राखेको छ। यसले विश्व कपमा सहभागी भएर प्रतिभा र सीप प्रदर्शन गर्न साहको प्रयासको लागि बारा जिल्लाको समर्थन रहेको दुबै नगरप्रमुखको भनाई रहेकोछ ।
