बारा : फागुन – २३ ।श्रीकान्त गुप्ता – बारा निर्वाचन क्षेत्र नम्बर–३ मा प्रतिनिधि सभा सदस्यतर्फ भएको निर्वाचनमा राष्ट्रिय स्वतन्त्र पार्टी (रास्वपा) का उम्मेदवार अर्बिन्द साह विजयी भएका छन्।
साहले आफ्ना निकटतम प्रतिद्वन्द्वी नेपाली कांग्रेसका उम्मेदवार फर्मुल्लाह मन्सूरलाई ठूलो मतान्तरले पराजित गर्दै जित हात पारेका हुन्।निर्वाचनको अन्तिम मतपरिणाम अनुसार अर्बिन्द साहले ४० हजार ६ सय ९७ मत प्राप्त गर्दै स्पष्ट अग्रता कायम गरेका छन्। उनका प्रतिस्पर्धी नेपाली कांग्रेसका उम्मेदवार फर्मुल्लाह मन्सूरले १० हजार ५२ मत प्राप्त गरेका छन्।
यसैगरी जनता समाजवादी पार्टी (जसपा) नेपालका उम्मेदवार रामबाबु कुमार यादवले ६ हजार ८ सय ८४ मत ल्याएका छन् भने नेकपा एमालेकी उम्मेदवार ज्वाला साहले ५ हजार २ सय ७१ मत प्राप्त गरेकी छन्।
त्यस्तै जनमत पार्टीका उम्मेदवार प्रमोद गुप्ताले ३ हजार ८ सय १९ मत प्राप्त गरेका छन् भने नेकपाका उम्मेदवार भरत प्रसाद साहले १ हजार ७ सय ५१ मत पाएका छन्।
यस परिणामसँगै बारा–३ का मतदाताले नयाँ राजनीतिक शक्तिलाई विश्वास गर्दै रास्वपाका उम्मेदवारलाई प्रतिनिधि सभामा पठाएका छन्।
निर्वाचन परिणामपछि मतदाताले विकास, सुशासन र पारदर्शिताका विषयमा ठूलो अपेक्षा राखेको देखिएको छ।अर्बिन्द साहले आफुले यस क्षेत्रको जनताको मत समान गर्दै साझा बिकास बताउनु भएको छ ।
देशभर रास्वपाले राम्रो परिणाम ल्याउने अपेक्षाबीच बारा–३ को नतिजाले पनि पार्टी नेतृत्व माथि जनताको भरोसा कायम राख्दै काम गर्ने थप जिम्मेवारी थपिएको राजनीतिक विश्लेषकहरू बताएका छन
