बारा, फागुन ५ । बाराको करैयामाई गाउँपालिका वडा नं–३ र वडा नं–४ मा नेपाल कम्युनिष्ट पार्टी (नेकपा) को सम्पर्क कार्यालय उद्घाटन गरिएको छ। मंगलबार आयोजित कार्यक्रमबीच नेकपा बारा क्षेत्र नं–२ का उम्मेदवार रामेश यादवले दुवै वडामा कार्यालय उद्घाटन गर्दै चुनावी अभियानलाई थप सक्रिय बनाइएको जानकारी दिनु भएको हो ।
उद्घाटन कार्यक्रमका क्रममा स्थानीय नेता–कार्यकर्ता तथा सर्वसाधारणको उल्लेखनीय उपस्थिति रहेको थियो। कार्यक्रममा यादवले बोल्दै उम्मेदवार यादवले जनतासँग प्रत्यक्ष संवाद, घरदैलो भेटघाट तथा पार्टी प्रवेश कार्यक्रमलाई प्राथमिकतामा राखेर अभियान अघि बढाइएको बताए। उनले स्थानीय तहको विकास, पूर्वाधार निर्माण, शिक्षा, स्वास्थ्य तथा कृषिलाई केन्द्रमा राखेर आफू चुनावी मैदानमा उत्रिएको बताउनु भयो
नेकपाले दुवै वडामा स्थापना गरेको सम्पर्क कार्यालयले चुनावी रणनीति समन्वय, कार्यकर्ता परिचालन तथा मतदातासँग नियमित सम्पर्क विस्तार गर्ने उद्देश्य राखेको जनाइएको छ। पार्टीका स्थानीय नेताहरूले कार्यालय स्थापना भएसँगै संगठन सुदृढीकरणमा टेवा पुग्ने विश्वास व्यक्त गरेका छन्।
यसैबीच, करैयामाई गाउँपालिकाका विभिन्न टोल तथा बस्तीमा पार्टी प्रवेश बैठक तथा घरदैलो कार्यक्रमलाई तीव्रता दिइएको छ। उम्मेदवार यादवसहितको टोलीले मतदाताको घरदैलोमा पुगेर आगामी निर्वाचनमा समर्थन माग्दै पार्टीको प्रतिबद्धता सार्वजनिक गरिरहेको छ। कार्यक्रममा विभिन्न दल परित्याग गरी केही स्थानीय नेताहरू नेकपामा प्रवेश गरेको दाबी पनि गरिएको छ।
कार्यक्रममा बोल्ने अधिकांश वक्ताहरूले स्थानीय विकासका अधुरा योजना सम्पन्न गर्न सक्षम नेतृत्व आवश्यक रहेको धारणा राखे। उनीहरूले संगठन विस्तारसँगै जनसमर्थन बढ्दै गएको दाबी गरेका छन्।
आगामी निर्वाचनलाई लक्षित गर्दै नेकपाले क्षेत्र नं–२ अन्तर्गतका अन्य वडाहरूमा पनि सम्पर्क कार्यालय स्थापना तथा चुनावी कार्यक्रमलाई निरन्तरता दिने जनाएको छ। चुनावी माहोल तातिँदै जाँदा करैयामाई क्षेत्रमा दलहरूको गतिविधि पनि दिनप्रतिदिन सक्रिय बन्दै गएको देखिन्छ।
