गाई-गोरु तस्करीको प्रयास विफल, प्रहरीद्वारा नियन्त्रणमा

एस पि सिंह
फागुन २१ रौतहट
भारततर्फ अवैध रूपमा गाई-गोरु तस्करी भइरहेको भन्ने गोप्य सूचनाको आधारमा इलाका प्रहरी कार्यालय, राजपुरका नायब निरीक्षक अशोक कुमार कुर्मीको कमाण्डमा विशेष अपरेशन संञ्चालन गर्दै तस्करीको प्रयास विफल पारेको छ।
फागुन मंगलवार राति ११:३० बजे ईलाका प्रहरी कार्यालय राजपुरका टोलीले राजपुर नगरपालिका-२, हजमिनिया हुँदै फतुहा तर्फ जाने सडक खण्डमा निगरानी गरिरहेको थियो।
ईलाका प्रहरी कार्यालय राजपुरका प्रहरी टोलीले गाई-गोरु लैजाँदै गरेको समूहलाई रोक्ने प्रयास गर्दा तस्करहरू फरार भएका छन् । तर प्रहरीले १ वटा गोरु ४ वटा गाई नियन्त्रणमा लिएको हो । पक्राउ परेका गाई-गोरु सहित आवश्यक कानुनी प्रक्रिया पूरा गरी सम्बन्धित निकायमा पठाइएको हो ।
प्रहरीले फरार रहेका तस्करहरूको खोजी कार्य जारी राखेको छन् । साथै, गाई-गोरु तस्करी रोक्नका लागि निगरानी अझै कडा पार्ने प्रतिबद्धता जनाएको हुन् ।