बारा – भदौं ०९ -बारागढी गाउँपालिकबाट झारखण्डको देवघर जल अर्पण गर्न जाने क्रममा बस दुर्घटनामा परेका तीर्थयात्रु भेट्न गाउँपालिका अध्यक्ष अशोककुमार जयसवाल भारत पुगेका छन् ।
बाराको बारागढी गाउँपालिका वडा नम्बर ३ बाट तिर्थ यात्राको लागि गएको ना ७ ख ६४४६ नम्बरको बस भारतको बिहार समस्तीपुर स्थित मुसरीघरारी थाना क्षेत्रमा पर्ने एनएच २८ राजमार्गमा दुर्घटना भएको हो ।तीर्थयात्री सवार बसलाई एउटा ट्रकले ठक्कर दिँदा बसको एक्सल भाँचिएर सडकमै पल्टिएको थिए सो बसको दुर्घटनामा कम्तीमा ३५ जना भन्दा बढी तीर्थयात्री समान्य घाइते भएका छन भने १२ जना यात्रु गम्भीर घाइते भएका छन बसमा ४३ भन्दा बढी यात्री सवार रहेको थियो दुर्घटनाको खबर पाउनासाथ गाउँपालिका अध्यक्ष जयसवाल घाइतेको अवस्था बुझ्न माेतिहारिमा पुगेका हुन् । समस्तीपुरबाट रिफर भएर माेतिहारिस्थित डा. राकेश कुमारसँग उपचाररत ३ जनालाई भेटेर यहाँ राजेश्वर साह, सुभाष साह, फेकल मुखियाकाे उपचारमा सहयोग गरिरहे गाउँपालिका अध्यक्ष जसवालले जानकारी गराउनु भयो ।अस्पतालमा पुगेर घाईते तथा कुरुवाकाे खानपिनकाे व्यवस्थापन गाउँपालिका अध्यक्ष जयसवालले गर्नुभएको छ ।
यसैबिच दुर्घटनामा सामान्य घाइते भएका यात्रुलाई घर फर्किने व्यवस्था भईसकेकाे छ । उनीहरु समस्तीपुरबाट बस चढिसकेका छन् । उनीहरु आज राती ११ बजेसम्म नेपाल प्रवेश गर्नेछन् ।
