एस पी सिंह
साउन ३१ रौतहट
प्रादेशिक अस्पताल गौरका अध्यक्ष अनवर हासमी अस्पतालको बेथिति ,बिकृति ,अनियमितता र भ्रष्टाचार बारे लेख्ने रौतहटको पत्रकारलाई थर्काउन र डर त्रास देखाउन थालेका छन् ।
अस्पताल बिकास समितीको सदस्यहरुको सहमति बिना अध्यक्ष हासमीले मनलाग्दि निर्णय गरि प्रादेशिक गौर अस्पतालमा भ्रष्टाचार ,अनियमितता र मनमौजी गरेपछि समाचार समप्रेशनमा उत्रीएका पत्रकारहरु माथि मुद्दा मामिला र जाहेरी दिई हप्काउन थालेका हुन् ।
भिडिओ एक्सरे ,ईसिजी ,फिजियो थेरापी सेवा निजि स्वार्थ र कमिशनका कारण जानी -जानी बन्द गरि निजि अस्पताल पठाउने गैर- कानुनी कार्य जारी राख्नाले गरिब बिरामीलाई चर्को शुल्क तिर्न बाध्य हुनुको साथै र उपचारबाट बन्चित छन् ।स्थानीयका अनुसार अस्पतालमा खरिद गरिएको शब गृहको फ्रीज देखि विभिन्न उपकरणमा भ्रष्टाचार भएको छ ।विभिन्न भवन निर्माण ,टाईल्स ,मार्बल फिटिङ्ग ,रङगरोगन , औषधि खरिद ,न्यानो झोला खरिद लगायतको काममा गोप्य टेन्डर गरि अनियमितता भएको आरोप छ ।
मेडिकल सुपरिटेन्डेन्ट मुरारी ठाकुर समयमा आउदैनन ।ईमरजेन्सि फाटमा डाक्टर बस्दैनन ,अस्पतालको चर्पि ,धारा लगायत फ़ोहोर नै फ़ोहोर छ । पानीको राम्रो प्रबन्ध छैन ,स्विपर लगायतले आफ्नो काम नगरि घर मै सुतेर तलब बुझ्ने स्थानीय निशान्त सिंहको गुनासो रहेको छ।सोहि अनियमिता र भ्रष्टाचारको बिषय बस्तु समेटेर नेपाल पत्रकार महासंघ रौतहटका अध्यक्ष प्रेम चन्द्र झा ,स-सचिब संजय सहनी ,गोठालो खवरका रौतहट प्रतिनिधि सतेन्द्र सिंह,सर्लाहीका पत्रकार जितेश यादव लगायत दर्जनौं पत्रकारले समाचार सम्प्रेशन गरेका थिए।
आफुले गरेको भ्रष्टाचार र अनियमितता उजागर हुन थालेपछि प्रदेश सरकारले आफुलाई कारबाही गर्ने डरले त्रसित अध्यक्ष हासमी विभिन्न लोभ देखाई पत्रकारको मुख बन्द गर्ने प्रयास गरे ।सो प्रयास बिफल भएपछि अध्यक्ष हासमीले पत्रकारलाई थर्काउन ,डराउन सोमबार जिल्ला प्रशासन कार्यालय रौतहटमा उजुरी दिएको खुलेको छ।हासमीले नेपाल पत्रकार महासंघका स-सचिब संजय सहनी ,गोठालो खबरका रौतहट प्रतिनिधि सतेन्द्र सिंह,सर्लाहीका पत्रकार जितेश यादवलाई रौतहट प्रहरीले छलफलमा बोलाएपछि उजुरी बारे पोल खोलेको हो।
छ्लफलको सामना गर्दै रौतहटको पत्रकारहरुले यथार्थ कुरा लेख्ने पत्रकार माथि परेको उजुरीले आफुहरु न डराउने र अस्पतालमा देखिएको भ्रष्टाचार बेतिथिको बारे शस्क्त भएर लाग्ने प्रतिबद्धता ब्यक्त गरेका छन् ।
अर्को तिर अस्पतालमा भ्रष्टाचार नभएकोले अस्पतालमा भएको अनियमितताको बारे कलम चलाउनेलाई नछाड्ने धम्कि दिदै अध्यक्ष हासमीले पत्रकार माथि ठुलो मुद्दा र उजुरी दिने भनेर थर्काउदै छ्लफल बाट बाहिरिएका थिए।यो विषयमा अर्को मितिमा छलफल हुने जिल्ला प्रहरी कार्यालय रौतहटले जनाएको छ।
