काठमाडौं -असार – २२ – नेपालका तेल उद्योगहरूले उत्पादन गरेको १३ वटा ब्राण्डका खाने तेलको नमुना परीक्षण गर्दा ४ वटा ब्रान्डका तेलहरू खान अयोग्य भेटिएको छ ।
काठमाडौँ महानगरपालिका बजार अनुगमन समितिले बजारमा बिक्री बितरण भइरहेको १३ वटा ब्राण्डका तेललाई परिक्षण गर्दा शिवशक्ति घ्यु उद्योगले उत्पादन गरेको फेमिली तेल,अन्नपूर्ण भेजिटेबल प्रोडक्ट प्रालिले उत्पादन गरेको अमृत ,श्रीराम रिफाईण्ड आयल प्रोडक्ट उत्पादन गरेको तेलहरु खान अयोग्य रहेको अनुगमन समितिले बताउनु भयो
अनुगमन समितिले अनुगमन गरि तेललाई परीक्षण गर्दा तेलमा नेपाल सरकारले तोकेको पेरोक्साइड भ्यालु धेरै भएर खान अयोग्य सर्बजनिक गर्नु भयो मोरङ्कको श्रीराम रिफाइन्ड आयल प्रोडक्टले २०८० पुस २७ गते उत्पादन गरेको पक्वान व्राण्डको ब्याच लट नं एस–२ को रिफाइन सोयाविन आयलमा मापदण्ड भन्दा धेरै पारोक्साइड भ्यालु र एसिड भ्यालुको मान बढी भएको पाईएको हो ।
त्यस्तै २०८० कार्तिकमा उत्पादन भएको अमृत ब्रान्डको ब्याच, लट नं.११ को रिफाइन सोयाबिन आयल र २०२४ अप्रिल महिनामा उत्पादन भएको क्वालिटी व्राण्डको ब्याच लट नं. ०८ को रिफाइन सोयाबिन आयलमा सरकारले तोकेको मापदण्ड बिपरित पकवान तेल उत्पादन भएको रहेको छ ।
२०८० साल माघमा उत्पादन भएको, ब्याच, लट नं.१० को फेमिली ब्रान्डको आयातीत तोरीको गेडाबाट स्वदेशमा उत्पादन भएको तोरीको तेलमा पारोक्साइड भ्यालु मापदण्ड अनुसार नरहेको पाइएको, कृषि तथा पशुपन्छी विभागका प्रमुख नुरनिधि न्यौपानेले जानकारी दिए । काठमाडौँ महानगरपालिकाले मापदण्डमा नरहेका तेल ३ दिनभित्र फिर्ता ल्याउन, फिर्ता ल्याइएको तेल नष्ट गरिएको प्रमाणसहित महानगरपालिकामा उपस्थित हुन पत्राचार गरिएको छ ।
