बारा जेठ –२५। जनमत पार्टीको भातृसंगठन प्रेस जनमत संघ बाराले नयाँ ११ सदस्यीय जिल्ला समिति गठन गरेको छ। संगठनको विस्तारित बैठक शुक्रबार बाराको कलैयामा सम्पन्न भयो, जसमा अनिल पाण्डेको अध्यक्षतामा नयाँ कार्यसमिति चयन गरिएको हो।
बैठक पार्टीका जिल्ला इन्चार्ज तथा केन्द्रीय सदस्य शिवनाथ पटेलको अध्यक्षतामा बसेको थियो। बैठकले उपाध्यक्षमा श्याम गिरी र संजय सहनी, सचिवमा चन्देश्वर चौरसिया (राजु चौरसिया), सहसचिवमा साबिर आलम, कोषाध्यक्षमा उपेन्द्र पासवान र सदस्यहरूमा धिरेन्द्र ठाकुरसहित अन्य पाँच जना सदस्य चयन गरेको छ।
यस अवसरमा संगठनले निवर्तमान अध्यक्ष अमरेश पाण्डेलाई केन्द्रिय सदस्यका लागि सिफारिस गर्ने निर्णय पनि गरेको छ। बैठकमा जनमत पार्टीका केन्द्रीय सदस्य उमेश दुबे, मधेश प्रदेश उपाध्यक्ष सन्तोष पटेल लगायत जिल्लास्तरीय नेताहरूको उल्लेखनीय उपस्थिति रहेको थियो।
बैठकमा बोल्ने वक्ताहरूले संगठनलाई थप सशक्त बनाउने, स्थानीय तहमा प्रेसको सक्रिय भूमिका बढाउने र जनमत पार्टीको विचारलाई जनस्तरसम्म पु¥याउने विषयमा जोड दिएका थिए। नवगठित समितिलाई प्रेस तथा अभिव्यक्तिको स्वतन्त्रताको संरक्षण गर्दै समाजमा जनचेतना अभिवृद्धिमा योगदान दिन आग्रह गरिएको थियो।
प्रेस जनमत संघ बाराले पत्रकारहरूको हकहितको पक्षमा बोल्ने, संगठनात्मक सुदृढीकरणमा ध्यान दिने र आगामी दिनमा प्रशिक्षण, छलफल र संवादका कार्यक्रमहरू सञ्चालन गर्ने जनाएको छ। बैठकबाट चयन भएको नयाँ नेतृत्वलाई बधाई दिँदै उपस्थित नेताहरूले सफल कार्यकालको शुभकामना व्यक्त गरेका थिए।
