बारा – चैत – ०६ – सिकेन्द्र साह – तराई मधेश जागरण अभियान अन्तर्गत बारा जिल्लाको सिम्रौनगढ नगरपालिका–६, सलेमपुरमा पूर्वप्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले सहिद अछेलाल प्रसाद कुशवाहाकी श्रीमती उर्मिला देवीसँग भेटघाट गरेका छन्।
२०६० सालमा माओवादी जनयुद्धका क्रममा सहादत प्राप्त गरेका अछेलाल प्रसाद कुशवाहाको परिवारलाई सम्मान प्रकट गर्दै प्रचण्ड उनीहरूको निवासमै पुगेका थिए। सहिद परिवारले खादा अर्पण गरी प्रचण्डलाई स्वागत गरे। भेटघाटका क्रममा माओवादी केन्द्रका केन्द्रीय सदस्य, जिल्ला अध्यक्ष अनिल श्रेष्ठ, वाईसीएल नगर अध्यक्ष कुन्दन कुशवाहा, तथा स्थानीय नेता भोजेन्द्र यादवको समेत उपस्थिति रहेको थियो।
सहिद परिवारप्रति सम्मान जनाउने क्रममा प्रचण्ड तथा उनकी छोरी गंगा दाहालको बसाइसमेत सहिद परिवारकै घरमा गरिएको थियो। कार्यक्रमको सम्पूर्ण व्यवस्था स्थानीय नेता सन्तोष कुशवाहाले गरेका थिए।
यस भेटघाटलाई माओवादी पार्टीले तराई मधेश जागरण अभियान अन्तर्गत सहिद परिवारहरूप्रति सम्मान तथा सम्बन्ध पुनःस्थापित गर्ने पहलका रूपमा लिएको छ। स्थानीयवासी
