बारा, फागुन – २०।श्रीकान्त गुप्ता – जितपुर सिमरा कार्यालयको सहयोगमा जिल्ला प्रशासन कार्यालय बाराको आयोजनामा महिला तथा बालबालिकाको अवस्था, समस्या र समाधानबारे स्थानीय तहका न्यायिक समितिका संयोजकहरूसँग अन्तरक्रिया कार्यक्रम आज सम्पन्न भएको छ।
सोमबार बारा जिल्ला प्रशासन कार्यालयको सभाहलमा आयोजित कार्यक्रममा जिल्लाका विभिन्न स्थानीय तहका न्यायिक समितिका संयोजकहरू, प्रशासनिक अधिकृतहरू, कानूनी सल्लाहकारहरू, सामाजिक अगुवा तथा सरोकारवाला निकायका प्रतिनिधिहरूको सहभागिता अन्तरक्रिया कार्यक्रम सम्पन्न भएको हो कार्यक्रममा महिला तथा बालबालिकाको वर्तमान अवस्था, उनीहरूलाई पर्ने सामाजिक, कानूनी तथा पारिवारिक समस्या तथा विभिन्न कुटपिट जग्गा विवाद राजनीति विवाद ब्यक्तिगत बिबाद लगाएत अन्य विभिन्न विवादको उजुरी जिल्लामा पर्न थालेपछि तिनको समाधानका उपायहरूबारे विस्तृत छलफल गरिएको प्रमुख जिल्ला अधिकारी वसन्त अधिकारीले बताउनु भएको छ ।
जिल्ला प्रशासन कार्यालयका प्रमुख जिल्ला अधिकारी (सीडीओ) बसन्त अधिकारीले कार्यक्रममा प्रमुख अतिथिका रूपमा मन्तव्य व्यक्त गर्दै महिलाहरू तथा बालबालिकामाथि हुने हिंसा, भेदभाव र अन्याय रोकथामका लागि स्थानीय तहका न्यायिक समितिहरूले प्रभावकारी निश्पक्षरुपले भूमिका निर्वाह गर्नुपर्ने जोड दिनुभयो उहाँले कानूनी पहुँचलाई सहज बनाउँदै न्यायिक समितिहरूलाई थप सशक्त बनाउन प्रशासनले जुन सुकै समयमा आवश्यक सहयोग गर्ने प्रमुख जिल्ला अधिकारीले प्रतिबद्धता जनाउनु भएको छ ।
कार्यक्रममा बोल्दै विभिन्न स्थानीय तहका न्यायिक समितिका संयोजकहरूले महिला तथा बालबालिकाका मुद्दा सम्बन्धी आफ्नो अनुभव र सामना गरिरहेका चुनौतीहरूबारे प्रस्तुति दिएका थिए। उनीहरूले घरेलु हिंसा, जबर्जस्ती विवाह, छाउपडी, बालश्रम, महिला तथा बालबालिकामाथि हुने शारीरिक तथा मानसिक शोषणजस्ता समस्याहरू अझै पनि समाजमा विद्यमान रहेको छ ।अन्तरक्रियाका क्रममा सहभागीहरूले कानूनी साक्षरताको अभाव, पीडितहरूमा न्याय पाउने विश्वासको कमी, न्याय सम्पादन प्रक्रियामा ढिलाइ, आर्थिक तथा सामाजिक दबाबका कारण उजुरी दर्ता गर्न नसक्ने अवस्था जस्ता समस्या प्रमुख चुनौतीका रूपमा रहेको बताए। उनीहरूले यी समस्याको समाधानका लागि स्थानीय तह, प्रशासन, प्रहरी, नागरिक समाज तथा गैरसरकारी संघसंस्थाबीच समन्वय बढाउनु आवश्यक रहेको पालिकाका उपप्रमुखहरुले बताएका छन ।
जिल्ला प्रहरी कार्यालयका उपरीक्षक संतोष तमाङ्गले जिल्ला प्रहरी कार्यालयमा दिनहुँ समान्य किसिमको झैझगडा कुटपिट जग्गा विवादको बिषय लिएर उजुरीको दिनेको संख्या बढदै रहेको बताउनु भयो न्याय समितिले सेवाग्राहीको बिश्वास जितेर निश्पक्षरुपमा काम गएपछि जिल्ला प्रहरी कार्यालयमा सेवाग्राहीलाईले दु:ख भोग्नबाट बन्चित हुन्थ्यो ।कानुन ठोस नभएको कारणले जनतालाई न्याय दिन कठिनाई भइरहेको बताउनु भएको छ ।
कार्यक्रमको समापन गर्दै प्रमुख जिल्ला अधिकारीले महिलाहरू तथा बालबालिकाको सुरक्षाका लागि अन्तर निकाय समन्वयलाई अझ प्रभावकारी बनाउँदै यस्ता अन्तरक्रिया कार्यक्रमहरू निरन्तर सञ्चालन गर्ने प्रतिवद्धता व्यक्त गरेको थियो।
कार्यक्रममा कलैया उपमहानगरपालिका उपप्रमुख रौशन प्रबिन, जितपुर सिमराका उपमेयर भोला अधिकारी , महागढीमाई नगरपालिकाका उपप्रमुख तारा देबी कानु करैयामामाई गाउँपालिकाको उपाध्यक्ष सुनैना चौधरी सुवर्ण गाउँपालिका उपाध्यक्ष पुनम कुमारी ,बारागढी गाउँपालिका उपाध्यक्ष लक्ष्मी देबी राय ,लगाउत अन्य पालिकाका उपप्रमुखहरुको उपस्थित रहेको थियो ।
