कलैया, माघ १८ – बारामा श्रमजीवी पत्रकार संघको जिल्ला समिति गठन गरिएको छ। पत्रकारहरुको भेलाले शिवशंकर मिश्रको अध्यक्षतामा १३ सदस्यीय समिति चयन गरेको हो।
समितिको उपाध्यक्षमा नरेश गुप्ता, महिला उपाध्यक्ष प्रियंका सरार्फ, सचिव चन्देश्वर चौरसिया (राजु), सहसचिव श्याम पासवान र महेन्द्र सहनी, कोषाध्यक्ष विशाल सरार्फ चयन भएका छन्। सदस्यहरूमा शर्मा बैठा, अजय यादव वियोगी, अनिल वर्मा, विनीता चौधरी, कृष्ण कुश्वाहा, श्याम ठाकुर र रञ्जन कुमार रहेका छन्।
कार्यक्रममा नेपाल पत्रकार महासंघ मधेस प्रदेश सदस्य संजीव मिश्र प्रमुख अतिथि तथा नेपाल प्रेस युनियन प्रदेश अध्यक्ष सत्य प्रकाश श्रेष्ठ विशेष अतिथि रहेका थिए। बाराका श्रमजीवी पत्रकारहरूको उल्लेखनीय सहभागिता रहेको उक्त भेलाले नयाँ नेतृत्व चयन गरेको हो।
