दुई भाईको गीतले तात्यो बजार, तीन साता मै १ मिलियन भ्यूज पार

काठमाडौ – मंसिर १५ ।गायक तथा संगीतकार प्रकाश रेग्मी र नरेश रेग्मीको “तिम्रै हुँ म” बोलको गीतले यती बेला बजार तताएको छ । एनआर क्रेशनले तीन साता अघि बजारमा ल्याएको गीत तिम्रै हुँ म ले अहिले यूटुवमा एक मिलियन भ्यूज पार गरेको छ । गीत सार्वजनिक भएको छोटो समयमा १ मिलियन भ्यूज पार गरेपछि गायक तथा संगितकार द्वय रेग्मी उत्साहित भएका छन् । नरेश रेग्मीको स्वर रहेको “तिम्रै हुँ म” बोलको गीतमा दाजु प्रकाश रेग्मीले संगीत भरेका छन् । उक्त गीतको म्यूजिक भिडियोमा गायक रेग्मी र चर्चित अभिनेत्री प्रेंका कार्की रहेका छन् । म सास बन्न पाए तिम्रो मुटु सम्म पुग्थे बोलको गीतको अपार सफलता पछि गायक रेग्मीले हरेक वर्ष नयाँ गीत बजारमा ल्याउँदै आएका छन् । गत वर्ष मात्र नरेश रेग्मीले निकालेको “धर्ती र जूनको कहानी” गीतबाट रेग्मी र अन्जु पन्तले युगल गायनको अवार्ड समेत हात पारेका थिए । “तिम्रै हुँ म” बोलको गीतका गीतकार भने वामदेव रेग्मी रहेका छन् । उक्त गीतको म्यूजिक भिडियोमा मौसम हिमालले निर्देशन गरेका छन् । गीत नयाँ युवा पुस्ताको प्रेम कहानी संग मेल खाने भएकोले युवा पुस्ताको मन मुटुमा बस्न सफल भएको गाउक रेग्मीको भनाई छ । सानै उमेर देखि गीत संगीतमा रुचि राख्दै आएका गायक रेग्मी दुई दशक देखि सांगीतिक यात्रामा छन्। उनले दर्जनौ गीतमा स्वर तथा म्युजिक भिडियोमा अभिनय गरीसकेका छन् । दाङमा जन्मिएर गीत संगीतको यात्रामा लागेका रेग्मी हाल अष्ट्रेलियामा बस्दै आएका छन् ।