बारा – मंसिर १३ ।मधेश प्रदेशको बारा जिल्ला क्षेत्र नं–२, महागढीमाई नगरपालिका–७ तेलकुवा निवासी इञ्जिनियर अरविन्द साह, जो उज्यालो नेपालका संस्थापक केन्द्रीय सदस्य पनि हुन्, आज मिति २०८२ मंसिर १३ गते गढीमाई मन्दिर दर्शनका लागि आउँदै हुनु भएको छ। उहाँ आज दिउँसो ठिक १:३० बजे गढीमाई पुग्ने कार्यक्रम रहेको छ।
इञ्जिनियर साहको आगमनलाई भव्य र मर्यादित बनाउने उद्देश्यले स्थानीय नेता तथा कार्यकर्ताहरुलाई व्यापक रूपमा सहभागी हुन आग्रह गरिएको छ। उज्यालो नेपालका केन्द्रीय सदस्यतासँगै सामाजिक अभियन्ता तथा नेतृत्व क्षमताका कारण परिचित साहले प्रत्येक धार्मिक तथा सांस्कृतिक अवसरमा सक्रिय सहभागिता जनाउँदै आएका छन्। यस पटकको गढीमाई दर्शनलाई पनि धार्मिक आस्था, सामाजिक एकता र समुदायबीचको आपसी सद्भाव मजबुत गराउने अवसरको रूपमा लिइएको छ।
स्थानीय टोलीका अनुसार इञ्जिनियर साहको स्वागतका लागि महागढीमाई नगरपालिका क्षेत्रभित्र रहेका विभिन्न टोल, वडाका प्रतिनिधि, युवा समूह, सामाजिक अभियन्ता तथा शुभेच्छुकहरू सहभागी हुने अपेक्षा गरिएको छ। गढीमाई क्षेत्रको धार्मिक, सांस्कृतिक तथा सामाजिक महत्वलाई मध्यनजर गर्दै उहाँको आगमनले स्थानीयमा उत्साह थपेको बताइएको छ।
इञ्जिनियर साहले दर्शनपछि स्थानीयसँग भेटघाट गरी सद्भाव एवं विकास सम्बन्धी कुराकानी गर्ने कार्यक्रम रहेको बुझिएको छ।
