बारा कात्तिक २७ —श्रीकान्त गुप्ता – मधेश प्रदेश सभाका पाँच जना सांसदको पद अन्ततः खारेज गरिएको छ। लगातार १० वटा बैठकमा अनुपस्थित रहेपछि उनीहरूको सदस्यता स्वतः रद्द गरिएको प्रदेश सभा सचिवालयले जनाएको छ।
प्रदेश सभा नियमावलीअनुसार कुनै पनि सांसद लगातार १० बैठकमा बिना जानकारी अनुपस्थित रहेमा उनको पद स्वतः रद्द हुने व्यवस्था छ। सोही प्रावधानअनुसार बारा क्षेत्र नं २ (क) मा.सारदा शंकर कलवार ,सर्लाही क्षेत्र नं ४( ख) मा.सिंहासन साह कलवार, सर्लाही क्षेत्र नं ३ (ख)मा.संजय यादव , सप्तरी मा.मनिष कुमार सुमन, र सर्लाही मा.उर्मिला देबि सिंहको पद खारेज भएको सचिवालयले पत्रमार्फत जनकारी गराएका छन यी पाँच जना प्रदेश सभा सदस्यहरुको अनुपस्थित विवरण र कारणसमेत समीक्षा गरी निर्णय गरेको हो।
सचिवालयका अनुसार सांसदहरूले कुनै वैध कारण नदेखाई लामो समयसम्म सभाको बैठकमा भाग नलिएपछि नियमअनुसार पद समाप्त भएको जानकारी सम्बद्ध दलहरूलाई समेत पठाइएको छ।तर, प्रभावित सांसदहरूले भने सो निर्णय अन्यायपूर्ण भएको दाबी गर्दै पुनर्विचार गर्न आग्रह गरेका छन्।
स्रोतका अनुसार पद गुमाउने सांसदहरू विभिन्न दलसँग सम्बन्धित रहेका छन्। उनीहरू आन्तरिक विवाद र राजनीतिक असन्तुष्टिका कारण लामो समयदेखि बैठकमा उपस्थित भएका थिएनन्।
यस घटनापछि मधेश प्रदेश राजनीतिक हलचल बढेको छ। केही दलका नेताहरूले यसलाई “राजनीतिक बदला”को रूपमा व्याख्या गरेका छन् भने अरूले नियमको कडाइमा स्वागत गरेका छन्।
प्रदेश सभा सचिवालयले भने यो प्रक्रिया पूर्ण रूपमा नियम र कार्यविधिअनुसार भएको बताउँदै भविष्यमा पनि अनुपस्थित सांसदप्रति कडाइ हुने चेतावनी दिएको छ।
यस निर्णयसँगै सभामा सांसदहरूको संख्या घटेको छ भने रिक्त पदमा नयाँ सदस्य पठाउने प्रक्रियाको तयारी दलहरूले थाल्ने छन ।
