सिकेन्द्र साह
बारा – भदौ – १३ ।बारा जिल्लाको सिम्रौनगढ नगरपालिकाको कार्यालय अगाडि आज शिक्षकहरुले शान्तिपूर्ण रूपमा धारणा कार्यक्रम गरेका छन्। कार्यक्रम उमाशंकर प्रसाद यादवको अगुवाइमा, सुरेश मुखियाको सञ्चालनमा सम्पन्न भएको हो।
नगरपालिकाभरिका शिक्षकहरु सहभागी उक्त कार्यक्रममा उनीहरूले आफ्नो माग स्थानीय सरकार मार्फत केन्द्र सरकारलाई दवाव दिन ज्ञापनपत्र समेत बुझाएका थिए।
नेपाल शिक्षक महासंघले २०७५ सालदेखि २०७८ र २०८० सालसम्म विभिन्न चरणमा ठूला आन्दोलन गर्दै नेपाल सरकारसँग क्रमशः ३० बुँदे, ५१ बुँदे र ६ बुँदे सहमति गरेका थिए। तर, विगतमा भएका ती सहमति कार्यान्वयन नगरी नयाँ शिक्षा ऐनमा शिक्षकको माग सम्बोधन नगरेको भन्दै असन्तुष्टि जनाइएको छ।
२०७८ चैत २० गतेदेखि २९ दिनसम्म काठमाडौंमा केन्द्रित शिक्षकीय सडक आन्दोलन भए पनि सरकार पक्षले आन्दोलनको मर्म नबुझेको शिक्षक अगुवा उमाशंकर यादवले बताए। उनका अनुसार, देशको भविष्य निर्माणमा शिक्षक रातदिन खटिए पनि सरकारी बेवास्ताका कारण अहिले देशभर शिक्षक पीडित छन्।
नेपाल शिक्षक महासंघले ती सबै पुराना सहमति समेटेर विद्यालय शिक्षक तथा कर्मचारी मैन्त्रिक ऐन जारी गर्न माग गर्दै आजदेखि देशव्यापी आन्दोलन सुरु गरेको जनाएको छ।
