बारा – असर २६ ।कलैया उपमहानगरपालिका–१ हनुमान मन्दिर नजिकै सञ्चालित ‘श्री गढीमाई इलेक्ट्रोनिक्स’ले स्थापना भएको आठ वर्ष पुरा गर्दै बिहीबार ९ औं वर्षमा प्रवेश गरेको छ। वार्षिकोत्सवको अवसरमा एक कार्यक्रमको आयोजना गरि केक काटेर संस्थाको स्थापना दिवस मनाइएको हो।
उक्त अवसरमा बोल्दै संस्थाका प्रोपोराइटर विजय कुमार स्वर्णकारले गढीमाई इलेक्ट्रोनिक्स कलैयाको सबैभन्दा पुरानो र विश्वासिलो इलेक्ट्रोनिक पसलको रूपमा परिचित रहेको बताए। उनले सामसुङ, हिमस्टार, होण्डाई लगायतका ब्राण्डका टिभी, फ्रिज, डिफ्रिज, माइक्रोओभेन, वासिङ मेसिन, एसी, मोबाइल, पंखा, कुकर, राइस कुकर, मिक्स्चर, आइरन लगायतका सम्पूर्ण ( समान )उपकरणहरूको आधिकारिक विक्रेता भएको जानकारी गराए।
वार्षिकोत्सवको अवसरमा असार महिना भरिका लागि सम्पूर्ण इलेक्ट्रोनिक सामानमा अधिकतम ४० प्रतिशतसम्म छुटको व्यवस्था गरिएको स्वर्णकारले जानकारी दिए। ग्राहकले एमआरपी मूल्यमा सो छुट पाउनेछन्।
त्यसैगरी, ग्राहकहरुलाई लक्षित गर्दै विशेष किस्ताबन्दी सुविधा पनि उपलब्ध गराइएको छ। उनका अनुसार सामसुङ कम्पनीका मोबाइल, टिभी, फ्रिजलगायत सामानहरू ४० प्रतिशत डाउनपेमेन्टमा किन्न सकिने र बाँकी रकम बिना कुनै ब्याज (०% इंटरेस्ट) किस्तामा तिर्न सकिने व्यवस्था गरिएको छ।
कार्यक्रममा सैमसंग कम्पनीका बजार प्रतिनिधि वृजेश चौधरी, हिमस्टारका प्रतिनिधि अजब विक्रम बिष्ट, हुलास फाइनान्सका लोन अधिकृत राजकिशोर साह र नितिन ओझाको उपस्थिति रहेको थियो। साथै राष्ट्रिय स्वतन्त्र पार्टी बाराका अध्यक्ष चन्दन स्वर्णकार, गढीमाई इलेक्ट्रोनिक्सका कर्मचारी तथा दर्जनौं ग्राहकहरूको समेत उपस्थिति रहेको थियो।
स्थापनाको नवौं वर्षमा प्रवेश गर्दा संस्थाले ग्राहकहरूको विश्वास, साथ र सहयोगकै कारण निरन्तर प्रगति गर्न सफल भएको बताउँदै प्रोपोराइटर स्वर्णकारले आगामी दिनमा पनि गुणस्तरीय सेवा प्रदान गर्ने प्रतिबद्धता व्यक्त गरे।
