बारा माघ ८ । नेपालका प्रसिद्ध धार्मिक स्थलहरूमध्ये एक गढीमाई मन्दिरमा हरेक पाँच वर्षमा आयोजना हुने गढीमाई महामेला २०८१ को संस्करण सकिएको छ। महामेला सम्पन्न भएपछि अबको मुख्य ध्यान मेला परिसरको सरसफाइ र पुनःस्थापना कार्यमा केन्द्रीत भएको छ। यस सन्दर्भमा, महागढीमाई नगरपालिका स्थानीय प्रशासन र मन्दिर समितिले मिलेर एक बृहत सरसफाइ कार्यक्रमको आयोजना गरेको थियो जसमा स्वयंसेवक र कर्मचारीहरूले सक्रिय सहभागिता समेत जनाएका थिए ।
गढीमाई महामेला विश्वभरका करोडौं भक्तजन र पर्यटकलाई आकर्षित गर्ने महत्त्वपूर्ण धार्मिक अवसर हो। यस मेलामा विभिन्न संस्कृतिका मानिसहरूको सहभागिता हुने हुँदा, मेला क्षेत्र ठूलो मात्रामा भीड र धुलोले भरिएको थियो। त्यसैले मेला सकिएपछि सरसफाइ कार्यक्रमको आवश्यकता महत्त्वपूर्ण रहेको हुनाले सरसफाई भएको थियो
सरसफाइ कार्यक्रमको थालनी मेला क्षेत्रको प्रमुख मार्ग र गढीमाई मन्दिरको आन्तरिक क्षेत्रबाट भयो। धेरै संख्यामा स्वयंसेवकहरूको सहभागितामा कचरा संकलन र सफा गर्ने काम भएको छ । मेला परिसरको सरसफाइमा बढी सफाइ कर्मचारी र स्वयंसेवकहरू र महागढीमाई नगरपालिका नगरप्रमुख उपेन्द्र यादवले हाथो मले गरेको थियो कचरा संकलनका साथै गढीमाई मन्दिरको आँगन र पार्किङ क्षेत्रको पनि सफा गरिएको नगरप्रमुख उपेन्द्र यादवले बताए ।
नगरप्रमुख उपेन्द्र यादवले सरसफाइ कार्यक्रमलाई अत्यन्तै सफल र व्यवस्थित भन्दै सराहना गरे। मेला समाप्ति पश्चात मन्दिर परिसरको पुनःस्थापना कार्यमा कुनै प्रकारको कमी हुन नदिन पहल गरिने बताए। “हामी गढीमाई मन्दिर र यसको आसपास क्षेत्रलाई भक्तजन र पर्यटकका लागि अझ सफा र व्यवस्थित बनाउने हाम्रो प्रतिबद्धता जनाएको बताउनु भयो ।
सरसफाइ कार्यक्रममा स्थानिय स्वयंसेवकहरूले मात्रै नभएर, विभिन्न संघसंस्थाका प्रतिनिधिहरूले पनि सघाए। यसले स्थानीय समुदाय र प्रशासन बीचको सहकार्यलाई थप प्रगाढ बनाएको छ। मेला सफलतापूर्वक सम्पन्न भएकोले अब मन्दिर परिसर पुनः खुला गरिएको छ र आगन्तुकहरूका लागि सहज पहुँचको व्यवस्था गरिएको छ।
गढीमाई महामेलाको यस सरसफाइ कार्यक्रमले एकपटक फेरी गढीमाई मन्दिरको महत्त्व र यसको संरक्षणमा स्थानीय जनताको सक्रिय भूमिका उजागर गरेको छ।
